Barcelona do të përballet me Almerian ditën e nesërme, takim ky i vlefshëm për javën e 36-të të La Liga.
Një ndeshje që do të startojë në orën 21:30 dhe ku katalanaasit do të kërkojnë fitoren për të mbajtur vendin e dytë në tabelën e klasifikimit.
Në prag të kësaj përballje ka folur Xavi Hernandez në konferencën për shtyp. Timonieri spanjoll kërkon mbështetjen e tifozëve, pasi sipas tij është shumë e rëndësishme për ekipin.
“Ne do të përpiqemi të konkurrojmë kundër Real Madridit. Por unë mendoj se Cules duhet të kuptojnë se situata është shumë e vështirë në nivel ekonomik.
Kemi një situatë ekonomike që nuk ka të bëjë fare me 25 vjet më parë. Nuk jemi në të njëjtat kushte si klubet e tjera me situata shumë të favorshme ekonomike.
Tifozi i Barcelonës duhet ta kuptojë këtë. Kjo nuk do të thotë se ne nuk duam të garojmë, por kjo është situata e Barcelonës për momentin.
Ne kemi nevojë për stabilitet dhe kohë, por do të përpiqemi të konkurrojmë”, përfundoi trajneri i Barcelonës.
