Përballja dramatike mes Kosovës dhe Italisë në futsall, e luajtur në Pallatin e Rinisë dhe Sportit në Prishtinë, u mbyll me fitoren 4-3 të italianëve.
Në takimin e dytë të Grupit 10, që i përket raundit kryesor të kualifikimeve për Kupën e Botës 2028, “Dardanët” bënë një paraqitje luftarake, por nuk mundën ta evitonin disfatën.
Të lidhura
None found
Dy nga golat e Kosovës mbajtën firmën e Ramadan Alajt, i cili ishte shënuesi më i mirë i skuadrës në këtë duel. Golin tjetër për përfaqësuesen kosovare e realizoi Fitim Krasniqi.
Italia e ndau suksesin në shënim mes katër lojtarëve: Michele Podda, Giovanni Pulvirenti, Carmelo Musumeci dhe Giuliano Fortini.
Kosova, që në ndeshjen hapëse kishte mundur Gjeorgjinë, ruan vendin e dytë me tri pikë. Në krye të grupit qëndron Italia, e cila ka grumbulluar gjashtë pikë.
Takimi i ardhshëm i Kosovës me Italinë është më 10 nëntor, ndërsa përballja me Gjeorgjinë do të zhvillohet më 24 shkurt.
