Partizani do të udhëtojë mbrëmjen e sotme drejt Rrogozhinës, ku në orën 18:30 do të sfidojë Egnatian në takimin e javës së 5-të të “Abissnet Superiore”.
Të lidhura
None found
Pak përpara kësaj përballjeje, kampionët në fuqi janë përballur me një lajm negativ. Eneo Bitri nuk është rikuperuar plotësisht nga dëmtimi dhe nuk pritet të jetë në dispozicion për këtë duel delikat.
Qendërmbrojtësi 30-vjeçar e nisi si titullar ndeshjen kundër Elbasanit, por lëndimi e detyroi të zëvendësohej pas vetëm 21 minutash lojë. Ndaj Partizanit ai mund të qëndrojë në stol, megjithëse mundësitë që të aktivizohet janë të pakta.
Për skuadrën e drejtuar nga Nevil Dede, kjo përbën një mungesë me peshë. Ndeshja do të kishte gjithashtu një domethënie të veçantë për Bitrin, i cili ka kaluar vite të arta te Partizani.
