Harta e re gjyqësore, “blackout” total gjykatat në Shqipëri

Nga sot e në 10 ditët në vazhdim në gjykatat shqiptare nuk do të zhvillohet asnjë seancë.

Vendimi u mor ditën e djesme nga avokatët duke bojkotuar në javën e tretë të protestës edhe seancat për masast i sigurisë.

Avokatët shprehen se nuk kanë ndërmend të tërhiqen deri sa qeveria të reflektojë dhe të marrë në konsideratë shqetësimet e tyre për hartën e re gjyqësore.

“Këshilli i Përgjithshëm i Dhomë së Avokatëve të Shqipërisë në mbledhjen datë 29.6.2022 ka vendosur:

1) Të bojkotohen të gjithë seancat gjyqësore pa afat;

2) Të bojkotohen masat e sigurisë për 10 ditë.

Ku nuk ka gjykata, nuk ka drejtësi dhe ku nuk ka drejtësi s’ka as liri as jetë” deklarojnë avokatët.