Artisti i ndjerë Dr.Flori do të festonte sot 44vjetorin e lindjes, por fatkeqësisht ai ndërroi jetë në vitin 2014. Një ndër miqtë e tij më të mirë ka qenë Landi Hysi, i cili vazhdimisht e kujton me mesazhe prekëse edhe në rrjetet e tij sociale. Edhe në këtë ditë të shënuar Landi ka publikuar një fotografi të “West Side Family” dhe shkruan: “DrFlori i lindur Floran Kondi, 28 Shkurt 1979”.
Landi ka ndarë një foto të vjetër të tij, Dr.Florit dhe Armir Shahini, të cilës i ka bashkangjitur vargjet e këngës së tyre “Jeta shkon”.
Jeta prapë më shfaqet në çdo çast në çdo hapa
Qëndrova për një çast, e ktheva kokën mbrapa
Pashë njerëz në udhëkryq që kalonin në rrugën time
Më sillnin si lajmëtarë mua brenga dhe gëzime
Qeshja, qaja, u mërzisja, u gëzoja, për një çast humbisja pastaj sërish jetoja
Prapë në këtë rrugë që s’e di ku po më çon, veç një gjë besoj e di, e di që jeta shkon.
Refreni
Dr. Flori
Sa herë mërzitem kur dhimbja më trishton
E sa herë dhimbja më ikën, se gëzimi m’a largon,
Se suksesi me dështimin bashkë të dy jetojnë
Në çdo kohë ndodh kështu dua të them se jeta shkon.
View this post on Instagram
