Sindikata e pavarur e ushtarëve profesionistë ka reaguar kundër ministrit të Mbrojtjes, Vlado Misajllovski, duke e akuzuar për premtime të parealizuara, manipulim të opinionit dhe zvarritje të zgjidhjes për statusin e ushtarëve profesionistë që kanë mbushur moshën 45 vjeç.
Të lidhura
None found
Në shenjë pakënaqësie ndaj situatës në Ushtri, sindikata ka njoftuar zhvillimin e një proteste para Qeverisë më 7 nëntor, në orën 11:00.
Sipas reagimit të firmosur nga kryetari i sindikatës, Aleksandar Naskovski, deklarata e fundit e ministrit Misajlovski për zgjidhjen e statusit të ushtarëve profesionistë dhe rritjen e pagave nga 1 janari përbën një tjetër premtim që, sipas tyre, është lënë pa u përmbushur prej muajsh.
“Deklarata e sotme, gjoja spontane, nga Ministri i Mbrojtjes Vlado Misajllovski është një gënjeshtër klasike dhe manipulim i publikut, ushtarëve profesionistë dhe pjesëtarëve të Ushtrisë”, thuhet në deklaratën e sindikatës.
