Prokurori publik nga Prokuroria Themelore Publike për Ndjekjen e Krimit të Organizuar ka kërkuar tetë muaj paraburgim, si dhe masa paraprake ndaj katër personave, në kuadër të rastit për mashtrim financiar në Federatën e Futbollit të Maqedonisë (FFM).
Katër të dyshuarit po merren aktualisht në pyetje në Gjykatën Penale, ndërsa pas përfundimit të procedurës pritet që gjykata të vendosë se si do të veprojë lidhur me propozimin e Prokurorisë.
Të lidhura
None found
Ndërkohë, nga Prokuroria Publike për Ndjekjen e Krimit të Organizuar thanë për “Lokalno” se prokurori nuk ka paraqitur propozim për masa ndaj pesë personave të tjerë të dyshuar në këtë çështje, pasi ata nuk janë gjetur në adresat e tyre të banimit.
“Nuk është se janë në arrati, por nuk u gjetën në adresën ku ishin raportuar”, deklaruan nga Prokuroria./Telegrafi/
