Një ngjarje e rëndë trafiku ka tronditur bulevardin “Turistiçka” në Ohër paraditen e së djeshmes. Sipas njoftimit të Ministrisë së Punëve të Brendshme të Maqedonisë, rreth orës 11:00, një veturë tip “Audi” e regjistruar në Ohër, me në timon A.V., 45 vjeç, është përplasur me një kamion “Mercedes”, po ashtu me targa të Ohrit, të cilin e drejtonte J.T., 46 vjeç, banor i qytetit.
Të lidhura
None found
Si pasojë e goditjes, drejtuesi i mjetit “Audi” ka marrë plagë të rënda trupore. Ai është dërguar me urgjencë në Spitalin Special “Shën Erazmus” në Ohër, ku ekipi mjekësor i ka konstatuar lëndimet e thella.
Nga MPB-ja bëjnë me dije se, me autorizim të prokurorit publik, një grup hetimor nga Sektori i Punëve të Brendshme i Ohrit ka shkuar në vendin e ngjarjes për të kryer këqyrjen e provave dhe rrethanave të aksidentit.
