Policia e Strumicës arrestoi dje, në orën 22:10, Lj. Gj., 48 vjeç, banues në Strumicë, pasi gjatë kontrolleve iu gjetën pako me heroinë dhe kokainë, si dhe sende të tjera.
Të lidhura
None found
Bastisja e banesës së tij u zhvillua në bazë të një urdhri gjyqësor. Nga kontrolli i shtëpisë dhe ai personal ndaj Lj. Gj., policët gjetën dhe sekuestruan pako me heroinë e kokainë, dy peshore digjitale dhe sende të tjera që kishin mbetje të një lënde pluhur.
Pas arrestimit, 48-vjeçari u mbajt në Stacionin Policor të Strumicës. Për ngjarjen u informua një prokuror publik i Prokurorisë Themelore Publike të Strumicës.
Sipas njoftimit të Ministrisë së Brendshme, dokumentimi i rastit është në vijim dhe, pasi të përfundojë, do të paraqitet kallëzimi përkatës.
