PUKË- Vetëm pak ditë pas zjarrit që përfshiu rreth 3 mijë hektarë, në masivin pyjor të Tërbunit është evidentuar një vatër e re zjarri.
Flakët janë shfaqur në një tjetër sektor të zonës pyjore dhe përhapja e tyre mbetet shqetësuese për shkak të terrenit të vështirë dhe bimësisë së dendur.
Të lidhura
None found
Paraprakisht, dyshohet se zjarri mund të jetë shkaktuar qëllimisht. Autoritetet pritet të kryejnë verifikimet për të përcaktuar shkaqet e rënies së flakëve.
Forcat zjarrfikëse janë nisur drejt Tërbunit për të ndërhyrë, ndërsa shërbimi po menaxhon njëkohësisht edhe vatra të tjera zjarri në zona të ndryshme.
Ngjarja merr rëndësi edhe për faktin se Bashkia ka nisur së fundmi konsultimet për instalimin e një parku eolik në këtë zonë.
