Policia e Tiranës ka goditur dy ambiente ku organizoheshin lojëra fati në mënyrë të paligjshme.
Gjatë ndërhyrjes u arrestuan në flagrancë tre persona të identifikuar me inicialet, B. K., 20 vjeç, S. M., 24 vjeç dhe E. B., 18 vjeç.
Të lidhura
None found
Ata dyshohen se ishin të përfshirë në organizimin e basteve sportive dhe lojërave të fatit në dy lokale në kryeqytet.
Sipas policisë, në rrugën “Muhamet Deliu”, në lokalin që administrohej nga 24-vjeçari S. M. dhe ku punonte edhe 20-vjeçari B. K., viheshin baste sportive përmes telefonave celularë.
Ndërkohë, në një tjetër lokal në rrugën “Mysym Keta”, ku ishte i punësuar 18-vjeçari E. B., gjatë kontrollit u gjetën dy kompjuterë që përdoreshin për lojëra fati.
Nga kontrollet në të dy ambientet u sekuestruan 6 njësi kompjuterike me monitorë, 4 telefona celularë dhe disa bileta me baste sportive.
Policia bën me dije se kontrollet për zbulimin e rasteve të lojërave të fatit të paligjshme do të vazhdojnë edhe në zona të tjera.
Materialet janë dërguar në Prokurorinë e Tiranës për veprime të mëtejshme.
