Udhëhoqi vendin për 6 vite, ndërron jetë ish-presidenti i Meksikës

Ish-presidenti meksikan Luis Echeverría, i cili mori detyrën në vitin 1970 duke premtuar një hapje demokratike për vendin, por udhëhoqi gjashtë nga vitet më të vështira të të ashtuquajturës “luftë e pistë” kundër disidentëve, ka vdekur në moshën 100-vjeçare.

Presidenti meksikan Andrés Manuel López Obrador konfirmoi vdekjen sot, duke i shprehur ngushëllimet e tij familjes Echeverría.

Presidenca e tij (1970-1976) u dëmtua që në fillim nga akuzat se ai urdhëroi ushtrinë të hapte zjarr ndaj mijëra studentëve që demonstronin paqësisht në distriktin Tlatelolco të Mexico City më 2 tetor 1968, ndërsa ai ishte ministër i Brendshëm.

Echeverría shmangu përpjekjet e prokurorëve meksikanë për ta akuzuar atë për gjenocid./albeu.com


Shtuar 9.07.2022 18:33