U shkarkua nga Chelsea, Frank Lampard gati të marrë drejtimin e kësaj skuadre

Ish-trajneri i Çelsit, Frank Lampard, është mes kandidatëve kryesorë për të zëvendësuar Roi Hoxhsonin në stolin e Kristal Palasit këtë verë.

Kontrata e teknikut veteran me londinezët skadon në fund të këtij sezoni dhe pavarësisht se ai u siguroi “Shqiponjave” një tjetër sezon në Premier Ligë, nuk është arritur asnjë marrëveshje për të rinovuar kontratën.

Sipas “The Telegraph”, legjenda e Çelsit është në krye të listës së dëshirave për të zëvendësuar 73-vjeçarin.

Lampard, i cili u shkarkua nga “Stamford Bridge” në janar, për t’i lënë vendin Tomas Tuhelit, ka shumë dëshirë për t’u rikthyer sa më shpejt në stolin e një skuadre tjetër të Premier Ligës.

Shtuar 14.05.2021 09:05