Një tërmet me magnitudë 5.0 ka tronditur Spanjën, duke shkaktuar dëme të konsiderueshme dhe panik mes banorëve dhe turistëve. Në qytetin jugor të Granadës është shpallur gjendje e jashtëzakonshme, pasi disa ndërtesa janë dëmtuar apo shembur, ndërsa gurë të mëdhenj kanë rënë mbi automjete.
Për shkak të situatës, disa hotele janë evakuuar, ndërsa banorët dhe turistët kanë dalë me nxitim në rrugë.
Të lidhura
None found
Tërmeti kryesor, i cili goditi rreth orës 01:00 sipas kohës lokale, u pasua nga 12 lëkundje të tjera. Pamje të publikuara në rrjetet sociale tregojnë momentet e panikut, me turistë që largohen nga akomodimet duke mbajtur valixhet në duar.
Raportohet se shtëpi dhe automjete kanë pësuar dëmtime të mëdha, ndërsa në disa rrugë janë shfaqur çarje të thella si pasojë e lëkundjeve të forta.
Shërbimet e emergjencës në Andaluzia, kanë ndërhyrë në disa zona të prekura dhe kanë shpëtuar persona që kishin mbetur të bllokuar në ndërtesa të dëmtuara.
Autoritetet vijojnë vlerësimin e dëmeve dhe situatës në zonat e prekura.
