Gjatë 24 orëve të fundit në Maqedoninë e Veriut janë kryer 2.704 teste prej të cilave kanë rezultuar me koronavirus 83 raste të reja.
Prej rasteve të reja, 40 janë regjistruar vetëm në Shkup.
Ndërkohë nga Instituti i Shëndetit Publik njoftojnë se janë shëruar 259 pacientë ndërsa kanë humbur jetën dy pacientë.
Që nga fillimi i pandemisë, në vendin tonë janë regjistruar gjithsej 154.804 raste, prej të cilëve 146.302 janë shëruar, kurse 5.232 kanë ndërruar jetë. Aktualisht në vendin tonë janë 3.270 raste aktive me virusin korona.
