Ajo që hamë ndikon jo vetëm në peshën tonë, por edhe në pjesët e tjera të trupit. Njëra prej tyre është lëkura, elasticiteti dhe hidratimi i së cilës varen drejtpërdrejt nga të ushqyerit.
Me kalimin e viteve, ju mund të shihni që lëkura juaj bëhet më e thatë, me rrudha dhe paksa e zbardhur. Të gjitha këto janë simptoma të “plakjes”. Gjëja më e rëndësishme është të filloni në moshë të hershme të jeni të kujdesshëm sepse shenjat e plakjes nuk korrigjohen, duhet t’i shmangni ato që nga fillimi.
Atëherë, çfarë mund të bëni?
- Hani të paktën 2 fruta dhe një sallatë në ditë.
Kjo bazohet në parimin e 5 racioneve të frutave dhe perimeve dhe ka një qëllim të dyfishtë. Së pari, antioksidantët e fshehur në fruta dhe perime merren me mikro-inflamacionet e përditshme që shkatërrojnë lëkurën tuaj. Së dyti, frutat dhe perimet përmbajnë sasi mjaft të mëdha uji, i cili hidraton lëkurën tuaj.
- Mos mbani dieta të menjëhershme ose shkatërruese.
Dietat shumë ekstreme gjithmonë rezultojnë në mangësi në shumë përbërës, veçanërisht në mikroelementë. Mikroelementët janë vitamina, minerale dhe elementë gjurmë, të cilët individualisht mund të mos dëmtojnë aq shumë, por kur kemi kombinime të mangësive, ato mund të shkaktojnë dëme të mëdha në lëkurë. Në të njëjtën kohë, nëse humbni peshë shumë papritur, lëkura mund të “varet” dhe të mos jetë në gjendje të shërohet plotësisht. Si rregull i përgjithshëm, është mirë të mos humbni më shumë se 4 kg në muaj.
- Rritni selenin.
Seleni ka një efekt të fortë antioksidant dhe është një nga lëndët ushqyese që është provuar të jetë efektive në shenjat e plakjes dhe dëmtimit të shkaktuar nga rrezet e diellit. Pra, nëse keni tendencë të bëni banja dielli shumë gjatë verës, mund të jetë një ide e mirë të rrisni marrjen e peshkut, mishit ose vezës. Për burime perimesh, provoni makarona ose bukë integrale, domate dhe brokoli. Shtesat e selenit janë gjithashtu të dobishme, veçanërisht nëse jeni në një dietë vegane.
- Hani yndyrna të shëndetshme.
Avokadot, peshqit yndyrorë dhe vaji i ullirit sigurojnë acide yndyrore thelbësore që ruajnë vajosjen dhe hidratimin e lëkurës. Mundohuni të keni një burim yndyre në ushqimin tuaj çdo ditë. Arrat janë gjithashtu një tjetër burim i mirë.
- Pini 6-8 gota ujë në ditë.
Ju e dini këtë, por duhet ta përmendim. Uji është ndoshta përbërësi më i rëndësishëm në shëndetin e lëkurës. Nëse e keni të vështirë të pini këtë sasi, provoni të bëni çaj ose pije të tjera. Gjithashtu një gotë qumësht ose një gotë lëng llogaritet për ujë, por qëndroni në një vetëm pasi ato kanë kalori. Supat janë gjithashtu një mënyrë e mirë për të hidratuar, pasi ato gjithashtu llogariten si ujë./albeu.com
