Deri më tani, në Deçan të Kosovës, mbi 1500 persona kanë kërkuar trajtim spitalor pasi kanë shfaqur simptoma të helmimit, ka thënë drejtori i Qendrës Kryesore të Mjekësisë Familjare në Deçan, Selmon Berisha.
Berisha është shprehur se 99% e pacientëve kanë marrë shërbime mjekësore dhe se gjendja e tyre paraqitet mirë.
Dyshohet se qytetarët e Deçanit janë helmuar nga uji i pijshëm, ndërsa institucionet janë duke kryer hetime.
Kujtojmë se në Deçan është shpallur gjendja e jashtëzakonshme për shkak të këtij helmimi masiv./albeu.com
