Një sherr masiv mes një grupi shqiptarësh ka ndodhur mbrëmjen e kaluar në Mykonos të Greqisë, me pasojë vdekjen e një prej tyre.
Mediet fqinje raportojnë se përplasja mes dy grupeve shqiptare ka ndodhur për shkak të mosmarrëveshjeve financiare. Gjatë incidentit, një person i njërit grup është goditur me thikë dhe ka humbur jetën nga plagët e marra.
Viktimë ka mbetur një 27-vjeçar, ndërsa policia ka mbërritur në vendngjarje pas vdekjes së tij. Deri më tani, janë shoqëruar në policinë greke katër persona, që dyshohet se i përkasin grupit të autorit të krimit dhe një person nga grupi i viktimës.
