Sherr masiv mes 10 shqiptarëve në Itali, raportohet për të plagosur

Një përleshje masive ka ndodhur mes shqiptarëve në Genova të Italisë.

Ngjarja ka ndodhur mbrëmjen e djeshme, ku të përfshirë janë rreth 10 persona.

Të gjithë personat e përfshirë janë të kombësisë shqiptare, por deri më tani asnjë prej tyre nuk është identifikuar.

Një prej tyre mbeti i plagosur rëndë dhe u transportua me urgjencë për shkak të dëmtimeve të marra në kraharor, por nuk dihen detaje të tjera lidhur me gjendjen e tij shëndetësore.

Sipas burimeve bëhet me dije se Policia ka arrestuar 5 persona dhe të tjerët janë shpallur në kërkim.

Ndërkohë po punohet për zbardhjen e plotë të ngjarjes./albeu.com/