Deputeti i Partisë Demokratike, Ervin Salinaji ka deklaruar se ‘lufta e ftohtë’ mes ish-kryeministrit Sali Berisha dhe kryedemokratit Lulzim Basha mund të sheshohet me bisedime.
I ftuar në “Frontline”, Salianji tha se se armiku i përbashkët i tyre është Edi Rama dhe se baza e PD-së do të bashkohet shumë shpejt pavarësisht mendimeve të ndryshme që mund të kenë pasur anëtarët e saj.
Pjesë nga intervista:
Marsela Karapanço: Si mund të ndalet ‘lufta e ftohtë’ Berisha-Basha?
Ervin Salianji: Duke u ulur, duke diskutuar me njëri-tjetrin dhe duke vendosur primar interesin e demokratëve.
Marsela Karapanço: Si mund të bashkohet baza e PD?
Ervin Salianji: Shumë shpejt. Pavarësisht se PD ka pasur përherë mendime të ndryshme do të bashkohet kundër regjimit të Edi Ramës.
