Gjatë orëve të fundit, Durrësi ka përjetuar reshje të forta shiu, duke shkaktuar përmbytje të shumta në disa rrugë dhe zona të qytetit.
Situata paraqitet e rënduar dhe në autostradën Durrës-Tiranë, ku disa automjete janë fikur e paraqesin probleme për shkak të pranisë së lartë të ujit në disa segmente të këtij aksi të rëndësishëm rrugor.
Intensiteti i këtyre reshjeve, sipas autoriteteve vendore, ishte i paparashikuar, pasi parashikimet meteorologjike flisnin për reshje mesatare gjatë ditës së sotme në Durrës.
Situatë e rënduar në të gjithë Durrësin, përfshirë dhe autostradën.
Një familje nga zona e ish-Kënetës është evakuuar në Shtëpinë e Pushimit të Ministrisë së Brendshme në plazhin e Durrësit, pasi banesa e saj është përmbytur.
Prefekti i qarkut Durrës, Emiljan Jani, thotë se dhe pse hidrovoret janë në funksionim të plotë situata mbetet e rënduar në shumë zona të Durrësit, ndërsa rekomandohet që të shmangen lëvizjet deri në qetësimin e situatës. Edhe nxënës e mësues janë njoftuar përmes grupeve të komunikimit.
Gjithashtu, situatë problematike paraqitet dhe në autostradën Durrës-Tiranë, ku disa automjete janë fikur e paraqesin probleme për shkak të pranisë së lartë të ujit në disa segmente të këtij aksi të rëndësishëm rrugor.
Intensiteti i këtyre reshjeve, sipas autoriteteve vendore, ishte i paparashikuar, pasi parashikimet meteorologjike flisnin për reshje mesatare gjatë ditës së sotme në Durrës.
