Raportohet për të vrarë në zjarrin e centralit bërthamor, çfarë ndodh nëse shfaqin probleme me ftohjen rekreatorët

Disa njerëz janë vrarë dhe të tjerë janë plagosur në zjarrin që shpërtheu nga granatimet ruse të një centrali bërthamor ukrainas, thotë Ministria e Punëve të Jashtme të Ukrainës.

Punonjësit po monitorojnë uzinën e Zaporizhzhia për t’u siguruar që po funksionon në mënyrë të sigurt dhe nivelet e rrezatimit janë aktualisht normale, thotë ministria në një deklaratë në Facebook.

Por nëse procesi i ftohjes së karburantit bërthamor brenda njësive të energjisë shfaq probleme, mund të ketë dëmtime radioaktive në shkallë të gjerë.

“Mijëra njerëz, përfshirë civilët që aktualisht nuk janë në gjendje të evakuojnë zonën pranë uzinës për shkak të granatimeve dhe luftimeve të vazhdueshme,  do të lëndoheshin nga kjo”, thuhet në deklaratë.

Në përputhje me reagimin e presidentit ukrainas, ministria thotë se një fatkeqësi bërthamore në Zaporizhzhia mund të jetë më e keqe se aksidentet e mëparshme në centralet bërthamore, si në Çernobil dhe Fukushima.

“Rusia me vetëdije ka ndërmarrë një sulm të armatosur në lokacionin e energjisë bërthamore, një veprim që shkeli të gjitha marrëveshjet ndërkombëtare brenda IAEA (Agjencia Ndërkombëtare e Energjisë Atomike)”, thuhet më tej në deklaratë

Ministria i kërkon komunitetit ndërkombëtar që të ndihmojë për të detyruar trupat ruse të largohen nga zona, për të garantuar sigurinë e saj./albeu.com

Shtuar 4.03.2022 14:13