Rama e prezantoi si demokrat, si e nxjerr sistemi i petronazhit të PS-së të riun (FOTO & VIDEO)

Disa minuta më parë, Kryeministri Edi Rama publikoi një video nga tuneli në “Rrugën e Arbrit” së bashku me një të ri i cili mbante maskën e PD.

I riu i identifikuar si Mirsal Hajdarmataj u paraqit si një militant i flaktë i Partisë Demokratike.

Nga Kryeministri Rama ai u ‘shit’ në publik si një përkrahës i Partisë Demokratike, por sistemi i patronazhimit të Partisë Socialiste tregon të kundërtën.

Mirsal Hajdarmataj sipas databazës së ‘famshme’ të Partisë Socialiste, identifikohet si votues “I sigurt i PS-së”.

Po në listën e selisë rozë, i riu është listuar me preferencë Partinë Socialiste, dhe se ka votuar për këtë forcë politike.

Këto të dhëna janë shënuar në sistemin e njohur tashmë të Partisë Socialiste nga patronazhisti, Mark Hajdarkolaj.

Mesazhi në video

Më herët në videomesazhin e publikuar nga Kryeministri thuhet se: “Rruga e Arbërit, Tuneli NUMËR 3! Ne do të fitojmë dhe do ta nxjerrim edhe PD nga tuneli”.

Ndërkohë që Hajdarmataj, i riu i videos thekson gjatë xhirimit të videoselfieve se: “Erdha në tunelin e Rrugës së Arbrit dhe gjeta zotin kryeministër! Do fitojmë ne apo ju?”.

Ndërkohë që Rama shton ”Do fitojë populli shqiptar, pastaj do ju nxjerrim dhe juve nga tuneli! Hajde mirupafshim”.

Shtuar 14.04.2021 02:04