Po lutej për paqen në Ukrainë, Papa Françesku “shpërthen” në lot

Papa Françesku shpërtheu në lot teksa lutej për paqen në Ukrainë gjatë një vizite tradicionale të Krishtlindjeve në në Romë. Zëri i papës filloi të dridhej teksa përmendi vuajtjet e ukrainasve.

“Do të kisha dashur t’ju kisha sjellë falënderimet e popullit ukrainas…” tha ai.

Papa Françeskut i duhej të ndalonte së foluri dhe nuk ishte në gjendje të vazhdonte për rreth 30 sekonda dhe koka dhe zëri i dridhej.

Turma, ku përfshihej edhe kryetari i bashkisë së Romës, Roberto Gualtieri, duartrokitën kur kuptuan se ai nuk mund të fliste dhe e panë duke qarë.

“…popullit ukrainas për paqen që kemi kërkuar prej kaq kohësh Zotit. Përkundrazi, më duhet t’ju paraqes lutjet e fëmijëve, pleqve, nënave dhe baballarëve dhe të rinjve të asaj toke martire, që po vuan kaq shumë.”-shtoi ai.

Ai më vonë shkroi në Twitter se “paqja është e mundur; çarmatimi është i mundur”.


Shtuar 8.12.2022 17:52