Ditën e djeshme, një sherr që ka degraduar në përplasje fizike në Komisariatin Nr.3 në Tiranë, ku dy punonjës të policisë janë përleshur me njëri-tjetrin.
Sipas Policisë, Alfred Xhoxhaj, punonjës i Policisë Bashkiake Tiranë, ka kallëzuar se për shkak të një konflikti për motive të dobëta që lidhen me natyrën e punës, është goditur në ambientet e zyrës nga kolegu i tij, punonjës i Policisë Bashkiake, shtetasi Eugen Saliasi.
Të lidhura
None found
Për këtë të fundit, Policia ka nisur hetimet për veprën penale “Goditja për shkak të detyrës”.
“Më datë 03.03.2026, është paraqitur në Komisariatin e Policisë Nr. 3 shtetasi A. Xh., punonjës i Policisë Bashkiake Tiranë, i cili kallëzon se, për shkak të një konflikti për motive të dobëta që lidhen me natyrën e punës, është goditur në ambientet e zyrës nga kolegu i tij, punonjës i Policisë Bashkiake, shtetasi E. S., i cili u procedua për veprën penale “Goditja për shkak të detyrës”, thuhet në njoftimin e policisë.
