Përkeqësohet moti në Durrës, pezullohet lundrimi i peshkarexhave

Pas ditëve me diell, moti i keq ka përfshirë vendin duke bërë që pezullohen lundrimet në sektorin e peshkimit në Durrës.

Anijet e flotës së peshkimit prej disa ditësh kanë shmangur gjuetinë e peshkut pasi kushtet e motit janë të paqëndrueshme dhe nuk e favorizojnë daljen në det.

Peshkarexhat qëndrojnë të ankoruara në portin e peshkimit në pritje të përmirësimit të motit në det të hapur për të rinisur gjuetinë.

Parashikimet flasin për një qetësim të kushteve atmosferike pas datës 20 maj.

Ndërkohë shpresat e punonjësve të peshkimit janë përqendruar te hapja e vendit dhe kthimi i turistëve këtë sezon, gjë që do të ndikonte edhe në rimëkëmbjen e këtij sektori të cenuar gjithashtu rëndë nga pandemia për shkak të uljes së konsumit të peshkut dhe prodhimeve të detit.

 

Shtuar 15.05.2021 12:45