Një hetim i nisur në Kishën Katolike Franceze ka zbuluar se mbi 3 mijë priftërinj kanë rezultuar si pedofil.
Studimi ka marrë për bazë veprimtarinë e Kishës që nga viti 1950.
Timesofmalta shkruan se këtë gjë e ka bërë të ditur kreu i një komisioni të pavarur Jean-Marc Sauve, i cili po heton skandalin që shpërtheu në vitin 2018.
Hulumtimi i komisionit zbuloi se kishte midis 2,900 dhe 3,200 priftërinjve pedofilë apo anëtarëve të tjerë të kishës. Raporti i komisionit do të dalë të martën pas dy vitesh e gjysmë kërkimesh bazuar në arkivat e kishës, gjykatës, policisë, si dhe intervistat me dëshmitarët.
Raporti, për të cilin Sauve tha se ka 2.500 faqe, do të përpiqet të përcaktojë sasinë e numrit të shkelësve dhe të viktimave. Ai gjithashtu do të shikojë mekanizmat, veçanërisht ata institucionalë dhe kulturorë, brenda Kishës që lejuan pedofilët të qëndrojnë, dhe do të ofrojë 45 propozime, raporton Dosja.al.
Komisioni i pavarur u krijua në vitin 2018 nga Kisha Katolike Franceze në përgjigje të një numri skandalesh që tronditën Kishën në Francë dhe në mbarë botën. Formimi i tij erdhi gjithashtu pasi Papa Françesku miratoi një masë historike duke detyruar ata që dinë për abuzimin seksual në Kishën Katolike që ta raportojnë atë tek eprorët e tyre.
E përbërë nga 22 profesionistë ligjorë, mjekë, historianë, sociologë dhe teologë, qëllimi i tij ishte të hetonte pretendimet për abuzim seksual të fëmijëve nga klerikët që datojnë në vitet 1950. Kur filloi punën e saj kërkoi deklarata të dëshmitarëve dhe krijoi një linjë telefonike, ndërkohë që më vonë u raportua se kishte marrë mijëra denoncime./albeu.com
