Numri i rasteve me Covid-19 të regjistruara në 24 orët e fundit në Afrikën e Jugut është dyfishuar që nga dita e djeshme, duke arritur në 8,561, njoftoi Instituti Kombëtar i Sëmundjeve të Transmetueshme (NICD).
Përqindja e pozitivitetit, pra numri i rasteve pozitive në totalin e analizave të kryera, ka shkuar në 16.5% sot, nga 10.2% që ishte dje. Megjithatë, numri i vdekjeve dhe shtrimeve në spital nuk ka ndryshuar në mënyrë dramatike, sipas NICD.
Më parë, NICD raportoi se varianti Omicron ishte identifikuar në pesë nga nëntë provincat e vendit dhe përbënte 74% të mostrave të analizuara në nëntor. Rasti i parë i njohur daton në 8 nëntor, në Gauteng, provincën më të populluar.
Në fund të tetorit, shumica e mostrave të analizuara ishin të variantit Delta, por në nëntor Omicron e kaloi atë./albeu.com
