Në një postim të publikuar në “Facebook”, kryeministri Edi Rama, ka reaguar në rrjetet sociale lidhur me protestën e zhvilluar një ditë më parë në zonën e Nartës, duke ironizuar qytetarët që ishin mbledhur aty për të protestuar.
Rama u bëri thirrje protestuesve që, herën tjetër kur të shkojnë në zonë “për t’u qarë hallin flamingove”, të mos futen me automjete në plazh dhe të shmangin lënien e mbetjeve pas.
Të lidhura
None found
Reagimi:
“MIRËMËNGJES😊dhe me një lutje të përulur revolucionarëve, që kur të shkojnë herë tjetër në atë breg për t’u qarë hallin flamingove, të mos i bëjnë për të qarë duke ua zhvirgjëruar plazhin me makinat e tyre – se do kujtojnë të shkretët zogj se filloi ndërtimi i parkimit aty, e do marrin arratinë siç e kishin marrë përpara moratoriumit 10 vjeçar të gjuetisë – po t’i lënë rrotat tek rruga automobilistike e të ecin si flamingo deri tek buza e detit pa u trembur nga papastërtitë, por mundësisht pa i shtuar ato si dje që i kishin lënë mbrapa kanoçet e birrës, ju uroj të gjithëve një të diel të qetë”, shkruan Rama.
