Një viktimë dhe 9 raste të reja me koronavirus në Kosovë

Ministria e Shëndetësisë në Kosovë ka njoftuar se në 24 orët e fundit nga COVID-19 ka humbur jetën një person, kurse janë konfirmuar nëntë raste të reja.

MSH gjithashtu njofton se në 24 orët e fundit janë dhënë 5.251 doza të vaksinës kundër COVID-19.

“Prej fillimit të vaksinimit në të gjitha qytetet e Kosovës janë dhënë 236.035 doza të vaksinës. Deri më sot 57.994 qytetarë janë vaksinuar me dozën e dytë. Nga 1.575 testime, 9 qytetarë kanë rezultuar pozitiv me virusin COVID-19. Gjatë 24 orëve të fundit, është shënuar 1 rast i vdekjes. Sot janë shëruar 8 qytetarë, derisa numri i përgjithshëm i të shëruarve është 105.405”, thuhet në njoftim.

Ndërkohë numri i rasteve aktive është 152.

Shtuar 7.07.2021 15:04