“Nëse vazhdoni provokimet ushtarake do keni pasoja”, Kim Jong-un kërcënon SHBA-në dhe Korenë e Jugut

Stërvitja e përbashkët ushtarake mes Koresë së Jugut dhe SHBA-ve, duket se ka shqetësuar liderin e Koresë së Veriut Kim Jong-un, i cili ka kërcënuar dy shtetet aleate me njëra-tjetrën.

Prej dy ditësh Koreja e Jugut dhe SHBA po zhvillojnë stërvitje të përbashkët ajrore, e cila pritet të zgjasë deri në fundjavë.

Koreja e Veriut ka lëshuar gjithashtu një seri raketash në javët e fundit në përgjigje të stërvitjeve të ndryshme.

Kjo pason raportet e inteligjencës se Pheniani po përgatitet për testin e parë të armës bërthamore që nga viti 2017.

“Nëse SHBA-ja vazhdon vazhdimisht në provokimet e rënda ushtarake, Koreja e Veriut do të marrë parasysh masa më të fuqishme pasuese”, tha ministria e jashtme e Koresë së Veriut në një deklaratë.