Përfaqësues të Kombeve të Bashkuara dhe Rusisë filluan sot në Gjenevë bisedimet për zgjatjen e marrëveshjes së grurit .
“Sapo kemi përfunduar një raund tjetër konsultimesh midis delegacionit ndërministror rus dhe përfaqësuesve të OKB-së ”, tha zëvendësministri i Jashtëm i Rusisë, Sergei Vershinin , duke shtuar se Moska nuk ka asnjë kundërshtim për një zgjatje të re të kësaj marrëveshjeje pasi ajo aktuale të skadojë më 18 mars. por vetëm për 60 ditë.
Pozicioni i mëtejshëm i vendit do të përcaktohet nga përparimi aktual në normalizimin e eksporteve bujqësore ruse, tha Vershinin, duke shtuar se lehtësimi i sanksioneve të shpallura nga Uashingtoni, Brukseli dhe Londra për ushqimin dhe plehrat ruse nuk po funksionon.
Kujtojmë se marrëveshja fillestare, e cila u nënshkrua më 22 korrik të vitit të kaluar nga përfaqësues të Rusisë, Turqisë, Ukrainës dhe OKB-së, ka të bëjë me eksportin e drithit, ushqimit dhe plehrave ukrainase përmes Detit të Zi nga tre porte, ndër të cilët edhe të Odesës. /albeu.com/