Jemin Gjana “shpërthen” ndaj Berishës: E njoh mirë që nga 97-ta, asnjë lider botëror s’ja ka bërë këtë partisë së tij

Në mbledhjen e Kryesisë së Partisë Demokratike, më e gjata ndonjëherë, e cila zgjati tetë orë u morën vendime radikale. Sali Berisha dhe tetë anëtarë të Komisionit të Rithemelimit u përjashtuan nga PD.

Sipas burimeve për albeu.com, Jemi Gjana ka deklaruar ndër të tjera se ata e njohin mirë Sali Berishën dhe se grupi i Rithemelimit duhet të përjashtohet i gjithë. Gjana ka kujtuar situatën e PD-së në vitin 1997, ku Genc Pollo dhe shumë të tjerë u larguan dhe se në PD mbetëm vetëm 17 deputetë.

“Ne e njohim atë (Berishën) mirë. Nuk ka të ngjashëm me asnjë lider botëror në histori, që t’ia bej këtë partisë së tij. Grupi i Rithemelimit duhet të përjashtohet i gjithë. Mbaj mend historinë e 97-ës, me Genc Pollon, dhe grupi ynë mbeti me 17 deputetë, e në bëm opozite dhe e mbajtëm PD-në. Shkonim në terren dhe kishim përballë bandat dhe e ngritëm partinë duke komunikuar dhe duke dëgjuar. Kjo nuk është as 1/3 e asaj që i ndodhi PD-së në 97-ës”, mësohet të jetë shprehur Gjana./albeu.com/