Italia urdhëroi dëbimin e dy zyrtarëve të ambasadës ruse dhe arrestimin e një kapiteni të marinës italiane nën akuzat e spiunazhit pasi policia arrestoi italianin për dyshimin se i dorëzoi dokumente konfidenciale një rusi në këmbim të parave.
Ministria e Jashtme italiane tha se kishte thirrur ambasadorin rus, Sergei Razov, dhe protestoi për “incidentin e rrezikshëm” pas një operacioni thelbësor në periferi të Romës, i cili arrestoi italianin Walter Biot dhe një prej rusëve në atë që policia e përshkroi si një “operacion i fshehtë” për shkëmbimin e armëve.
Të martën vonë, policia raportoi se oficeri i Marinës italiane, një kapiten fregate, ishte arrestuar. Shtetasi rus që u kap me të, anëtar i Forcave të Armatosura ruse i vendosur në Ambasadën e Rusisë në Itali, u arrestua fillimisht, por u la i lirë më vonë për shkak të statusit diplomatik.
Në një postim në Facebook, Ministri i Jashtëm Luigi Di Maio tha se ishte lëshuar një urdhër dëbimi edhe për një zyrtar tjetër të ambasadës ruse që dyshohet se ishte i përfshirë. Di Maio nuk dha detaje për rolin e dyshimtë të rusit të dytë. Në një deklaratë, Karabinierët thanë se Forcat Speciale Italiane në Romë kryen operacionin e fshehtë dhe kapi në flagrancë të akuzuarit sapo zyrtari italian dorëzoi dokumente konfidenciale në këmbim të një shume parash”.
Të dy akuzohen për kryerjen e “krimeve të rënda të spiunazhit dhe sigurisë së shtetit”. Ambasada ruse në Romë konfirmoi arrestimin e një diplomati që punonte në zyrën e atasheut ushtarak, por nuk dha komente për incidentin. “Në çdo rast, ne shpresojmë që kjo të mos ndikojë në marrëdhëniet dypalëshe,” thuhet në deklaratë. Zëdhënësi i Presidentit rus Vladimir Putin, Dmitry Peskov, tha në një konferencë me gazetarët se Kremlini nuk ishte në dijeni të detajeve të incidentit, por tregoi se “ne shpresojmë të ruajmë karakterin shumë pozitiv dhe konstruktiv të marrëdhënieve ruse – italiane”. Ministria e Jashtme ruse shprehu keqardhje për dëbimin e diplomatëve, në një deklaratë të shkurtër.
