Gjatë ditës së sotme, inspektorët e Inspektoratit Kombëtar të Mbrojtjes së Territorit (IKMT), të shoqëruar nga Policia, zhvilluan kontrolle në zonën e Shën Janit, në Karaburun. Ata i dorëzuan pronarit të një objekti pa leje njoftimin për prishjen e tij.
Burime nga terreni bëjnë të ditur se objekti është identifikuar si ndërtim i paligjshëm dhe për të është lëshuar njoftimi zyrtar i shembjes. Ndërhyrja pritet të realizohet gjatë ditës së nesërme, duke përdorur mjetet e IKMT-së.
Të lidhura
None found
Ky aksion zhvillohet në kuadër të kontrolleve që synojnë evidentimin dhe heqjen e ndërtimeve pa leje në zonat bregdetare dhe të mbrojtura, për të garantuar zbatimin e ligjit dhe mbrojtjen e territorit.
