I reziston vaksinës! Shfaqet mutacioni i ri, varianti “M” i Covid në dyert e Europës

Një variant i ri i Covid-19, i quajtur varianti M ka dalë në qarkullim ditët e fundit.

Veçantia e tij, e cila e bën edhe më të rrezikshme, është se ky virus, është rezistent ndaj vaksinave që po përdoren sot.

Lajmin e bëri të ditur Organizata Botërore e Shëndetësisë e cila momentalisht është duke verifikuar të dhënat nga terreni, të cilat konfirmojnë një variant të ri të koronavirusit, i shfaqur fillimisht në Kolumbi dhe më pas në Amerikën Latine dhe sëfundmi në Europë.

I emërtuar si mutacioni “B.1.621” apo varianti “M”, sipas “The Guardian” ai është më rezistent ndaj vaksinave dhe më agresiv krahasuar me variantin “Beta”. Megjithatë, sipas njoftimit nga OBSH, do të duhen edhe më tepër studime për të arritur në një përfundim të mirëfilltë mbi natyrën e këtij varianti të ri, raporton abcneës.al.

“Që prej rastit të parë të variantit “M” të shfaqur në Kolumbi në janar të vitit 2021, ka patur edhe shpërthime të tjera të këtij mutacioni edhe në vende të tjera të Amerikës Latine dhe Europë. Megjithatë, prevalence e këtij mutacioni në botë tani është 0.1 për qind, në Kolumbi 39 për qind dhe në Ekuador, 13 për qind”, raporton OBSH.

Mutacioni “M” i koronavirusit është i pesti prej varianteve të ndryshme të tij të shfaqura deri më tani. Më herët, bota u njoh me variantet “Alfa”, që u shfaq në Belgjikë dhe Britani të Madhe; “Beta” që u shtri në një total prej 141 shtetesh; “Gama” në 91 shtete dhe varianti indian “Delta” që po përhapet në 170 shtete./albeu.com


Shtuar 1.09.2021 10:43