Politikani i djathtë populist Abelardo de la Espriella, i cili është edhe një mbështetës i Donalad Trump, duket se ka fituar raundin e dytë të zgjedhjeve presidenciale në Kolumbi, duke i dhënë fund periudhës së qeverisjes së së majtës në vendin latino-amerikan.
Sipas rezultateve paraprake, me mbi 99 për qind të votave të numëruara, De la Espriella siguroi 49.65 për qind të votave, ndërsa rivali i tij, Ivan Cepeda, i mbështetur nga presidenti në largim Gustavo Petro, mori 48.71 për qind.
Të lidhura
None found
Megjithatë, rezultati përfundimtar do të certifikohet vetëm pasi autoritetet zgjedhore të shqyrtojnë të gjitha procesverbalet dhe ankimimet e mundshme ligjore.
“Dua të mbahem mend si rindërtuesi i kombit, sepse Kolumbia meriton të bëhet ajo që është e destinuar të jetë, një Komb Mrekullie”, shkroi De la Espriella në rrjetet sociale pas publikimit të rezultateve paraprake.
Kandidati fitues, i njohur me nofkën “Tigri”, është një ish-avokat penalist dhe mbështetës i hapur i presidentit amerikan Donald Trump, i cili e mbështeti publikisht gjatë fushatës zgjedhore. Ai do të marrë detyrën më 7 gusht për një mandat katërvjeçar.
