Kryeministri Edi Rama gjatë fjalës së tij në Kuvend është shprehur se asnjëherë nuk i ka drejtuar gishtin dikujt duke i thënë ‘je hajdut, mafioz apo kriminel’.
Madje ai sfidoi opozitën duke i thënë nëse mund ta gjejnë një akuzë të tillë thënë nga ai.
“Akuzat kanë marrë të drejtën absolute qytetare. Madje t’i thuash tjetrit hajdut, dhe ju sfidoj të më gjeni njëherë të vetme që i jam drejtuar dikujt dhe i kam thënë ‘ti je hajdut, kriminel, mafioz’. Quhet si një kulmim i lirisë së shprehjes dhe si një lloj trimërie madje. Aq trimëri e madhe është t’i thuash tjetrit kriminel, sa duhet të jesh gati të bësh video të manipuluara dhe dëshmitarë të manipuluar, dhe të përballesh në gjykata si të jesh një tribun i vegjëlisë. Ndërkohë që të jesh politika do me thënë të jesh automatikisht i korruptuar dhe kryeministër i kryekorruptuar”, tha Rama./albeu.com
