Një aksident i rëndë ka ndodhur në Kanada, ku një çift shqiptar u përfshi në një aksident tragjik. Kreshnik Cermjani, një 36-vjeçar nga Kosova, ka vdekur pasi u aksidentua teksa lëvizte me një motoçikletë bashkë me gruan e tij, Ermirën. Kjo e fundit është në gjendje të rëndë dhe po trajtohet në spital.
Ngjarja ka ndodhur në Calgary të Kanadasë dhe siç bëjnë të ditur mediet kanadeze, çifti po kthehej nga një darkë për në shtëpinë e tyre. Vëllai i tij, Debatik Cermjani, po qëndronte me nipat dhe mbesën e tij kur mori vesh lajmin e ndarjes nga të të vëllait.
“Ai (djali i madh) ishte mjaft të afërt me babain. Ai pyeste se kush do të kujdeset për ne? Ai bëri gjithçka për ne,”- deklaroi ai, teksa po fliste për djalin e madh të vëllait.
Dy vëllezërit punonin në Kanadë si bojaxhi dhe ishin larguar nga Kosova rreth 15 vite më parë. Mediet tutje bëjnë me dije se i ndjeri kishte tre fëmijë në moshën 11, 14 dhe 16-vjeçare, të cilët do të merren në kujdestari nga vëllai i të ndjerit.
