Një ngjarje e rëndë ka ndodhur mbrëmjen e sotme në lagjen Xhabije të Shkodrës, ku një efektiv i Policisë Rrugore është sulmuar nga dy persona.
Sipas informacioneve paraprake, efektivi Nikolin Përndoj, i cili ndodhej jashtë orarit të punës është goditur pas shpine me sende të forta gjatë një konflikti. Dyshohet se ngjarja mund të ketë lidhje me detyrën e tij.
Të lidhura
None found
Menjëherë pas incidentit, në vendngjarje kanë mbërritur shërbimet e policisë dhe grupi hetimor, të cilët kanë nisur punën për zbardhjen e ngjarjes, si dhe për identifikimin dhe kapjen e autorëve.
Shkaqet dhe motivet e konfliktit mbeten ende të paqarta, ndërsa pritet një reagim zyrtar nga Policia e Shtetit për më shumë detaje.
