COVID/ Numër i lartë i infektimeve dhe viktimave në Maqedoni, bilanci i 24 orëve të fundit

Në Maqedoninë e Veriut këtë të enjte janë konfirmuar të infektuar me Covid 1 172 raste të reja nga 4 021 testime.

Në raportin e ministrisë së Shëndetësisë bëhet me dije se gjithashtu kanë humbur jetën 12 persona. Viktimat janë  6 persona të vdekur nga Shkupi (65, 69, 70, 78, 83 dhe 84), 3 nga Manastiri (32, 72 dhe 79) dhe nga një i vdekur nga Velesi (30), Ohri (63) dhe Prilepi (62).

Ndërkaq betejën me Covid në orët e fundit e kanë fituar edhe 553 pacientë.

Nga fillimi i pandemisë e deri më tani numri i përgjithshëm i të infektuarve me Covid ka shkuar në 250.876, mes të cilëve 223.606 kanë fituar betejën me sëmundjen ndërsa 8 166 kanë humbur jetën./albeu.com/

Shtuar 20.01.2022 16:50