Kanë dalë detaje të reja nga ngjarja e rëndë në Korçë, ku një grua pasi ka lindur foshën e vetë, e ka futur në valixhe.
Mësohet se fëmijën, pa shenja jete e ka gjetur në banesë bashkëshorti i gruas që e solli në jetë.
Të lidhura
None found
Ai kishte ardhur nga emigracioni dje. Bashkëshorti i ka thënë policisë se kishte më shumë se një vit që nuk ishte kthyer në shtëpi dhe se fëmija që gjeti të pajetë nuk ishte i tij. Çifti ka dhe një fëmijë tjetër, 15 vjeç.
Dyshohet se nëna e fëmijës vuan nga probleme të shëndetit mendor.
Njoftimi i Policisë:
“Në orët e para të mëngjesit të sotëm, shtetasi K. A., (emigrant në Greqi) ka bërë kallëzim në Komisariatin e Policisë Korçë, se ka gjetur në banesën e tij, në lagjen nr. 15, Korçë, një foshnjë të pajetë.
Bashkëshortja e tij, e cila vuan nga sëmundje të shëndetit mendor është transportuar në maternitetin e qytetit, për ekzaminime të mëtejshme. Grupi hetimor po punon për sqarimin e rrethanave dhe dokumentimin e plotë të kësaj ngjarjeje.”/albeu.com/
