Ursula von der Leyen, presidente e Komisionit Evropian, ka reaguar përmes një postimi në “X” mbi situatën e zjarreve në Evropë, duke përmendur edhe Shqipërinë.
Ajo deklaroi se kontinenti vijon të jetë në nivel të lartë gatishmërie për shkak të zjarreve masive, ndërsa Bashkimi Evropian po e ndjek nga afër situatën. Sipas Von der Leyen, sistemi satelitor Copernicus ka nisur të ndihmojë operacionet e hartëzimit.
Të lidhura
None found
“Evropa mbetet në gatishmëri të lartë për zjarret masive. Presioni po rritet në Shqipëri, Belgjikë, Serbi, Malin e Zi dhe Bosnje-Hercegovinë. Sistemi ynë satelitor Copernicus po mbështet tashmë operacionet e hartëzimit”, shkroi presidentja e Komisionit Evropian.
Von der Leyen shtoi se Qendra e Emergjencave po monitoron me kujdes vatrat e zjarrit në të gjithë kontinentin, ndërsa Mekanizmi i Mbrojtjes Civile është i gatshëm të aktivizohet sa herë që një shtet kërkon solidaritetin e Evropës.
