Mbi 100 pasagjerë në një anije luksoze turistike që po kryente një udhëtim 20-ditor drejt Alaskës u prekën nga të vjella dhe diarre, duke ngritur alarmin për një shpërthim norovirusi në bord.
Të enjten, anija Ruby Princess, e menaxhuar nga Princess Cruises, u ankorua në San Francisko. Sipas Qendrave të SHBA-së për Kontrollin dhe Parandalimin e Sëmundjeve, 102 pasagjerë dhe 23 anëtarë të ekuipazhit shfaqën shenja të virusit shumë ngjitës.
Të lidhura
None found
Rasti në Ruby Princess është raportuar fillimisht më 28 qershor. Të dhënat tregojnë se janë prekur pak më shumë se 3% e pasagjerëve dhe afro 2% e ekuipazhit.
Norovirusi, i njohur shpesh si “gripi i stomakut”, shkakton probleme gastrointestinale dhe transmetohet me lehtësi përmes kontaktit të drejtpërdrejtë, sipërfaqeve të ndotura, si edhe ushqimeve apo pijeve që kanë qenë në kontakt me virusin. Specialistët theksojnë se të infektuarit mund ta përhapin norovirusin për dy javë ose edhe më gjatë pasi simptomat të jenë zhdukur.
Anija ishte nisur nga San Francisco më 12 qershor dhe gjatë itinerarit kishte ndalesa në Kanada dhe Alaska, përpara se të rikthehej këtë javë në Kaliforni.
