Microsoft, gjigandi amerikan i teknologjisë, ka bërë të ditur një raund të ri largimesh nga puna, duke hequr 4,800 pozicione në nivel global, ose rreth 2.1% të totalit të fuqisë së tij punëtore, me zbatim të menjëhershëm.
Të lidhura
None found
Kompania sqaroi se një pjesë e konsiderueshme e këtyre shkurtimeve do të ndodhë në divizionin e videolojërave Xbox, ku 1,600 vende pune do të hiqen menjëherë, në kuadër të një ristrukturimi të gjerë pas rezultateve financiare zhgënjyese.
Po ashtu, Microsoft synon të shkurtojë edhe 1,600 pozicione të tjera në Xbox deri në fund të vitit fiskal 2027, çka e çon në 6,400 totalin e vendeve të punës të prekura në këtë sektor.
Shkurtimet e mbetura do të përfshijnë ekipet komerciale të kompanisë.
Në një publikim në blogun e saj zyrtar, Microsoft nënvizoi se këto vende pune nuk do të zëvendësohen nga sisteme të Inteligjencës Artificiale, duke mohuar pretendimet se automatizimi përbën shkakun kryesor të këtij vendimi.
Gjithashtu, kompania njoftoi se më shumë se 30% e punonjësve që kishin të drejtë të largoheshin në periudhën e fundit, vendosën të përfitojnë nga një skemë vullnetare daljeje në pension.
Këto valë të fundit shkurtimesh tregojnë përpjekjet e Microsoft për të riorganizuar operacionet dhe për të ulur kostot, ndërsa vijon të investojë në teknologji të reja dhe në zhvillimin e Inteligjencës Artificiale.
