Njëzet e gjashtë emigrantë, të cilët ishin nisur nga Guinea, vdiqën në brigjet e Senegalit kur varka e tyre u mbyt disa ditë më parë, njoftoi të premten kryeministri Amadou Uri Bach, duke folur për një “hemorragji” të emigrantëve në vendin e tij.
“Deri më tani kemi zyrtarisht 26 të vdekur”, u tha gazetarëve kryeministri i Guinesë.
Në ditët e mëparshme, ngjarja ishte raportuar në faqet e rrjeteve sociale, por autoritetet nuk specifikuan se sa viktima kishte.
Të afërmit e të zhdukurve që folën këtë javë me një korrespondent të AFP-së thanë se emigrantët u larguan në fund të prillit dhe tragjedia ndodhi në ditët e para të majit.
Amadou Uri Bach theksoi se mijëra të rinj nga Guinea janë aktualisht në vende të ndryshme në pritje të riatdhesimit pasi u përpoqën të emigronin.
“Kemi sot rreth 3000 të rinj që presin të riatdhesohen nga Nigeri, 1200 janë në Algjeri, 400 në Egjipt, mijëra në Itali dhe nuk po i numëroj ata në SHBA, sepse nuk e dimë numrin e tyre. Është gjakderdhje për vendin tonë”, nënvizoi ai, duke iu referuar rrugëve të ndryshme që bëjnë emigrantët.
Të rinjtë nga Matam duket se kanë dashur të mbërrijnë në Evropë duke ndjekur bregun perëndimor të Afrikës, një udhëtim mijëra kilometra.
