Pas 11 ditësh të bllokuar nën rrënoja, një nënë bashkë me tre fëmijët e saj u nxorën të gjallë, në atë që po konsiderohet një nga operacionet më të jashtëzakonshme të shpëtimit pas tërmeteve të fuqishme që goditën Venezuelën më 24 qershor.
Rasti i pazakontë u regjistrua në La Guaira, një nga zonat që u godit më rëndë nga lëkundjet sizmike. Familja kishte mbetur nën rrënojat e një godine banimi që u shemb, ndërsa ekipet e emergjencës vazhdonin kërkimet për persona të mbijetuar.
Të lidhura
None found
Sipas autoriteteve, gjatë gjithë ditëve të izolimit, nëna arriti të mbante në jetë tre fëmijët e saj, duke i ushqyer me gji dhe duke u kujdesur për ta deri në çastin kur u shpëtuan.
Pas një operacioni të gjatë dhe intensiv, ekipet e shpëtimit arritën ta lokalizonin familjen dhe ta nxirrnin të gjallë nga rrënojat, duke e cilësuar këtë rast si një mrekulli në mes të një katastrofe të rëndë.
Tërmetet që tronditën Venezuelën kanë lënë pasoja të mëdha, me mijëra viktima dhe të plagosur, ndërsa shumë persona vazhdojnë të figurojnë të zhdukur.
Po ashtu, katastrofa ka sjellë dëme të konsiderueshme materiale, pasi dhjetëra mijëra ndërtesa janë shkatërruar ose dëmtuar dhe mijëra familje kanë mbetur pa strehë.
Ndërkohë, autoritetet dhe ekspertët paralajmërojnë se gjendja mund të rëndohet edhe më shumë për shkak të mungesës së ujit të pijshëm dhe kushteve të vështira higjieno-sanitare në zonat e goditura, çka rrit rrezikun për përhapjen e sëmundjeve infektive.
