Ish-zv.kryeministrja Belinda Balluku u paraqit sot në Prokurorinë e Posaçme, ku u njoh me akuzën që lidhet me disa procedura prokurimi nën hetim.
Qëndrimi i saj në ambientet e SPAK zgjati rreth 20 minuta, përpara se ajo të largohej. Gjatë paraqitjes, Ballukut iu komunikua edhe zgjatja me 3 muaj e hetimeve.
Të lidhura
None found
SPAK bëri të ditur se Balluku ishte thirrur për t’u njohur me akuzën, për t’u pyetur në lidhje me të dhe për t’i komunikuar akte të tjera procedurale.
Përveç akuzave të reja, ndaj saj rëndon edhe akuza për shkeljen e barazisë në tenderë.
Ndërkohë, vijojnë hetimet për korrupsion dhe pastrim parash lidhur me dy tenderë, me vlerë mbi 1 mln euro, të zhvilluar në kohën kur Balluku drejtonte “Albcontrol”.
