Ambasada e Shteteve të Bashkuara në Tiranë ka publikuar në rrjetet sociale pamje dhe të dhëna nga Sesioni i 42-të i Trajnimit të Vazhdueshëm të Kapitullit Europian të FBINAA-së, i zhvilluar nga 19 deri më 23 shtator.
Aktiviteti mblodhi 235 profesionistë të zbatimit të ligjit nga Shtetet e Bashkuara, Shqipëria dhe vende të ndryshme të Europës.
Të lidhura
None found
Sipas ambasadës, bashkëpunimi mes SHBA-së dhe Shqipërisë ndihmon në krijimin e komuniteteve më të sigurta, duke synuar forcimin e zbatimit të ligjit dhe rritjen e sigurisë në të dyja vendet.
FBINAA shërben si një platformë ku drejtues të lartë të institucioneve ligjzbatuese, të trajnuar në Akademinë Kombëtare të FBI-së, shkëmbejnë njohuri, konsolidojnë bashkëpunimin dhe koordinohen në luftën kundër krimit të organizuar përtej kufijve.
Ambasada theksoi se objektivi i këtij angazhimi është të sigurojë zbatim më efikas të ligjit, më shumë siguri dhe komunitete më të mbrojtura në Shtetet e Bashkuara dhe në Shqipëri.
