Policia e Shkodrës ka vënë në pranga shoferin që shkaktoi aksidentin me vdekje gjatë ditës së djeshme.
Bëhet fjalë për shtetasin G.B, 47-vjeç, banues në fshatin Shtoj i Ri.
Lajmin e ka bërë të ditur vetë policia përmes një njoftimi.
Njoftimi i Policisë:
Specialistët e Qarkullimit Rrugor arrestuan në flagrancë shtetasin G. B., 47 vjeç, banues në fshatin Shtoj i Ri, Shkodër, për veprën penale “Shkelja e rregullave të qarkullimit rrugor”.
Ky shtetas, më datë 22.06.2022, rreth orës 21:20, në aksin rrugor Shkodër-Koplik, në fshatin Shtoj, duke drejtuar automjetin e tij, ka aksidentuar me pasojë vdekjen shtetasen Z. B., 31 vjeçe, banuese në fshatin Shtoj i Ri, Shkodër, e cila po lëvizte me biçikletë.
Materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme./albeu.com/
